Astanada burynǵy súıiktisin alyp qashqan jas jigit ustaldy

ASTANA. KAZINFORM - Elordada azamat eks-súıiktisin alyp qashpaq bolǵan. Alaıda aýa raıy onyń bul áreketine tosqaýyl boldy.

ІІM baspasóz qyzmetiniń málimetinshe, «102» pýltine 20 jastaǵy qyzdy erkinen tys Daewoo Nexia avtokóligine otyrǵyzyp, belgisiz baǵytqa alyp ketkeni týraly habarlama túsken. Qońyraý shalýshynyń habarlaýynsha, keshki ýaqytta týysy ekeýi jumystan qaıtyp kele jatqanda turǵyn úıdiń aýlasynda olarǵa kólik jaqyndap kelip, ishinen tórt jigit túsip, ápkesin kúshtep kólikke otyrǵyzyp alyp ketken. Aryzdanýshy tanyǵan urlaýshylardyń biri olardyń aýyldasy bolyp shyqqan. Buryn olar qarym-qatynasta bolǵan. Biraq kóp uzamaı olar aıyrylysyp, aralary alystap ketkendigi belgili boldy.

Kólik pen urlanǵan qyzdy izdeý úshin qalada «Ustaý» jospary engizildi. Birden jedel izine túsken polıtseıler kúdiktiler tizgindegen kólikti ańdyp, toqtatty. Belgili bolǵandaı, jigitter ony Túrkistan oblysyna aparmaq bolǵan. Biraq aýa raıynyń qolaısyzdyǵynan qaladan shyǵa almaǵan.

Qazirgi ýaqytta adamdy bas bostandyǵynan zańsyz aıyrý faktisi boıynsha sotqa deıingi tergeý amaldary júrgizilip jatyr.

Polıtseıler atap ótkendeı, baptyń sanktsııasy úsh jylǵa deıin bas bostandyǵyn shekteý nemese sol merzimge bas bostandyǵynan aıyrý túrindegi jazany qarastyrady.