Astanada búldirshinder balabaqshaǵa tegin bara bastady
ASTANA. QazAqparat - Astanada az qamtylǵan kópbalaly otbasylarda turatyn búldirshinder mektepke deıingi mekemelerge tegin baratyn bolady, dep habarlaıdy QazAqparat.
Elorda ákimdiginiń baspasóz qyzmetinen málim etkendeı, mundaı jeńildikti alǵashqy bolyp Almaty aýdanynyń ákimdigi jasap otyr. «20 Izgi Qadam» qaıyrymdylyq aktsııasy aýdan ákimi Ádilbek Sársembaevtyń bastamasymen qolǵa alynǵan. Búginde 20 búldirshinge jekemenshik balabaqshaǵa tegin barýǵa múmkindik beretin sertıfıkattar tabys etilgen. «Osy iske beı-jaı qaramaǵan basshylyqty, jekemenshik balabaqshanyń quryltaıshylaryna alǵysymdy bildirgim keledi. Balalarymyz memlekettiń laıyqty azamaty bolyp ósip, meıirimdi, boıyna tek eń jaqsy qasıetterdi sińirip ósedi dep úmittenemin», - dedi Almaty aýdany ákiminiń orynbasary Tynysbek Arashapov.
Sertıfıkattardy aldaǵy ýaqytta da berý josparlanǵan.
Balabaqshalar jańa tárbıelenýshilerin 1 jeltoqsannan bastap qabyldaı bastaıdy.
Buǵan deıin Almaty aýdanynda balalaryn balabaqshalarǵa berýge múmkindikteri joq otbasylardyń tizimi jasalyp jatqanyn jazǵan bolatynbyz.
