Astanada búldirshin aıazdy kúni juqa kıimmen balabaqshadan dalaǵa shyǵyp ketken
ASTANA. QazAqparat - Elordada aıazdy kúni balaqshadan kishkentaı bala juqa kıimmen dalaǵa shyǵyp ketken. Bul jaıynda qala turǵyny Ásem Vahala Feısbýktegi paraqshasynda jazdy, dep habarlaıdy QazAqparat tilshisi.
«Búgin Saryarqa 15 pen Saryarqa 17 arasynda aıazda ústinde juqa koftasy, kolgotkasy men báteńkesi bar balanyń jylap turǵanyn kórdim. Juqa kıimmen jalǵyz turǵan balaǵa nazar aýdarmastan qasynan ótip jatqan adamdar jaǵa ustatty», - dep atap ótedi Ásem Vahala.
Onyń jazýynsha, bala «Intellectumbala» balaqshasynyń tárbıelenýshisi bolyp shyqqan jáne onyń qyzmetkerleri de balanyń aıazdy kúni qalaǵa qalaı shyǵyp ketkenin aıta almaǵan.
Bul oqıǵaǵa oraı Astana qalalyq bilim basqarmasy da pikir bildirdi.
Vedomstvonyń baspasóz hatshysy Jazıra Asanovanyń jazýynsha, atalmysh balabaqsha elordanyń bilim basqarmasynyń tizimine alynbaǵan. Qyzmeti de reglamenttelmegen balabaqsha kottedjde ornalasqan, beınebaqylaý kamerasy men kúzetshisi de joq.
«Shynymen de, bala tárbıeshiniń salaqtyǵynan dalaǵa shyǵyp ketken. Ata-analarynan bizge shaǵym áli túsken joq. Degenmen, biz Astana qalalyq bilim salasyn baqylaý departamentine atalǵan mekemeniń bilim salasynda qyzmet júrgizýge ruqsaty bar-joǵyn tekserýdi ótinip, hat joldadyq. Astana qalalyq bilim basqarmasy «kóleńkeli balabaqshalarǵa» balasyn rásimdeý barysynda qaýip-qater bar ekenin eskertedi», - dedi ol.
Illıýstratsııalyq sýret
