Astanada buqaralyq shańǵy jarysy ótedi
ASTANA. KAZINFORM — Astanada 24 qańtar kúni buqaralyq shańǵy jarysy uıymdastyrylady. Jarys saǵat 10:00–de Ortalyq saıabaqtaǵy shańǵyroller jolynda bastalady, dep habarlaıdy elorda ákimdiginiń resmı saıty.
Uıymdastyrýshylardyń málimetinshe, is-shara aıasynda sporttyń 4 túri boıynsha jarystar ótedi. Atap aıtqanda: qol kúresi, gir tasyn kóterý, arqan tartys jáne belbeý kúresi.
— Bul jarys dástúrli sporttyq sharaǵa aınaldy. Negizgi báseke — shańǵy jarysy. Ol 16 jas erekshelik sanaty boıynsha qyzdar men uldar arasynda ótkiziledi. Qashyqtyqtar 500 metrden bastap 1 jáne 2,5 shaqyrymǵa deıin belgilengen. Qatysýshylardy tirkeý saǵat 10:00–de bastalyp, jalpy start 11:00–de beriledi. Barlyq jarystarǵa qatysý tegin. Barsha turǵyndardy salaýatty ómir saltyn ustanýǵa shaqyramyz, — dedi qalalyq sporttyq is-sharalardy ótkizý dırektsııasy basshysynyń orynbasary Erjigit Óserbaı.
Atalǵan is-shara Astana qalasy ákimdiginiń qoldaýymen, qalalyq sporttyq is-sharalardy ótkizý dırektsııasynyń uıymdastyrýymen ótedi.