Astanada Buqar Jyraý - Uly dala kósheleri aralyǵy 1,5 aıǵa jartylaı jabyldy

NUR-SULTAN. QazAqparat – Astanada Buqar Jyraý kóshesinen Uly Dala dańǵylyna deıingi aralyq ishinara 50 kúnge jóndeýge jabyldy, dep habarlaıdy QazAqparat.

«Qalalyq Kólik jáne jol-kólik ınfraqurylymyn damytý basqarmasy Polıtsııa departamenti ákimshilik polıtsııa basqarmasynyń kelisimimen Eńbekshiler kóshesi men Alash tasjolynda ınjenerlik jeliler men jol tósemin salý jumysyn bastady», - delengin Nur-Sultan ákimdiginiń resmı saıtynda .

Osy jyldyń 13 mamyrynan 1 shildesine deıin jóndeý jumystarynyń júrgizilýine baılanysty Eńbekshiler kóshesiniń Buqar Jyraý kóshesinen Uly dala dańǵylyna deıingi aralyǵy kólik qozǵalysy úshin ishinara jabylatyn bolady.

Budan bólek, 13-31 mamyr aralyǵynda Alash tas jolynyń Jolymbet kóshesinen 191-kóshege deıingi aralyǵynda qozǵalys jartylaı jabyldy.
«Qala joldarynda keptelis týdyrmas úshin elorda turǵyndary men qonaqtary qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim ótinemiz jáne jóndeý jumystarynyń júrgizilýine túsinistikpen qaraýdy suraımyz», - delingen basqarmanyń habarlamasynda.