Astanada búgin taǵy bir kóshe jabylady
ASTANA. KAZINFORM – «Astana qalasynyń Kólik jáne jol-kólik ınfraqurylymyn damytý basqarmasy» MM Turan dańǵylynan Qabanbaı batyr dańǵylyna deıingi ýchaskede Qorǵaljyn tas jolyna jóndeý jumystary júrgiziletini týraly habarlady.
Bul jumystar merdiger uıymnyń qarajaty esebinen kepildik mindettemeler sheńberinde júrgiziledi. Osyǵan baılanysty búgin, 7 maýsym kúni joǵaryda atalǵan ýchaske ishinara jabylatyn bolady. Bul rette avtokólik quraldarynyń qozǵalysy taraptardyń biri boıynsha eki baǵytta da júzege asyrylatyn bolady
- Elorda turǵyndary men qonaqtaryn qala joldaryndaǵy keptelisterdi boldyrmaý maqsatynda óz marshrýttaryn aldyn ala josparlaýdy suraımyz. Ýaqytsha qolaısyzdyqtar úshin keshirim suraımyz jáne jol jóndeý jumystaryn júrgizýge túsinistikpen qaraýdy suraımyz, - delingen habarlamada.
Aıta keteıik, Almatyda Saıyn kóshesiniń jalǵasy 8 jyldan keıin ashyldy.
Astanada demalys kúnderi qaı kósheler jabyq bolatynyn jazǵan bolatynbyz.
