Astanada budyrly shegesi bar dóńgelekterge tyıym salynýy múmkin
ASTANA. QazAqparat - Búgin elordany odan ári damytý jónindegi keńeste Elbasy Nursultan Nazarbaev budyrly shegesi bar dóńgelekterdi Astana joldarynda tyıym salý máselesin qarastyrýdy tapsyrdy.
Keńes barysynda elorda ákimi Imanǵalı Tasmaǵambetov jóndeýden ótken joldardyń tez buzylýyndaǵy sebepterdiń biri kólikterde budyrly shegesi bar dóńgelekterdi paıdalanýǵa baılanysty ekenin atap ótti.
Onyń sózine qaraǵanda, Astanada 1300 iri nysan salynyp jatyr. Osy oraıda jyl saıyn qala kóshelerimen 700-ge jýyq beton aralastyrǵysh jáne ózge de júk kólikteri qozǵalady.
Bul kólikter jyl saıyn mıllıondaǵan reıster jasaıtynyna toqtalǵan I. Tasmaǵambetov, «olar taqtatastardy, kirpishterdi jáne ózge de aýyr júkterdi tasymaldaıdy. Buǵan qosa joldarǵa 6 aı qys pen qala kóshelerindegi 400 myń mashına áser etedi. Budyrly shegesi bar dóńgelekterdi taǵyp alǵan kólikter qys aılarynda asfalttyń bir santımetr qabatyn qyryp túsiredi», - deıdi ákim.
Óz kezeginde Memleket basshysy osy máseleni qarastyrýdy tapsyrdy. «Eger de ony esh zalalsyz iske asyrýǵa bolsa, onda máslıhatpen birlese tıisti sheshim qabyldańyzdar», - dep túıdi Prezıdent.
