Astanada birneshe jol ýchaskesinde qozǵalys shekteledi
ASTANA. KAZINFORM — 25 mamyrdan bastap jyldyń sońyna deıin Al-Farabı dańǵyly men F. Ońǵarsynova kóshesiniń qıylysynda kólik qozǵalysy tolyqtaı jabylady, dep habarlaıdy Astana qalasy ákimdiginiń baspasóz qyzmeti.
«Táýelsizdik dańǵylyn (Al-Farabı) jalǵastyrý qurylysy» jobasyn iske asyrý aıasynda 25 mamyrdan bastap jyldyń sońyna deıin Al-Farabı dańǵyly men F. Ońǵarsynova kóshesiniń qıylysynda kólik qozǵalysy tolyqtaı jabylady.
Kólik quraldarynyń burylýy Al-Farabı dańǵyly boıymen, sondaı-aq F. Ońǵarsynova kóshesi boıymen atalǵan qıylysyna deıin júzege asyrylady.
Budan bólek, bıylǵy jyldyń 14 mamyrynan bastap Al-Farabı dańǵyly men Hýseın ben Talal kóshesiniń qıylysynda qozǵalys ýaqytsha jabylady. Bul ýchaske qurylys aımaǵy bolyp sanalady jáne qazirgi ýaqytta asfalt tósemi joq, sondyqtan kólik qozǵalysynyń qarqyny tómen. Osyǵan baılanysty kólik quraldarynyń burylýy da atalǵan qıylysqa deıin uıymdastyrylady. Júk kólikteriniń ótýi qamtamasyz etiledi, alaıda jumystardyń jekelegen kezeńderinde qozǵalys ýaqytsha shektelýi múmkin.
— Júrgizýshiler men jaıaý júrginshilerge marshrýttaryn aldyn ala josparlap, balama joldardy qoldanýdy suraımyz, — delingen habarlamada.
Budan buryn Astanada birqatar avtobýs baǵdarynyń qozǵalys syzbasy ýaqytsha ózgergenin jazǵan edik.
