Astanada birneshe kóshe jóndelmek: kólik qozǵalysy qalaı ózgeredi

Qaladaǵy ınfraqurylymdyq jobalardy iske asyrý aıasynda birqatar qurylys jáne jóndeý jumystary josparlanǵan. Osyǵan baılanysty kóshe-jol jelisiniń jekelegen ýchaskelerinde kólik qozǵalysyna ýaqytsha shekteýler engiziledi.

Atap aıtqanda, 4 sáýirden 4 mamyr aralyǵynda Máńgilik El dańǵyly men Syǵanaq kóshesiniń qıylysyndaǵy kólik aıryǵynda jol jabynyna ortasha jóndeý júrgiziledi. Qozǵalys ishinara shekteledi.

• 5 sáýiri men maýsym aıy aralyǵynda E68 kóshesiniń A. Bekturov kóshesinen Tóle bı kóshesine deıingi ýchaskesinde qurylys jumystarynyń bastalýyna baılanysty avtokólik qozǵalysy tolyqtaı jabylady.
• B. Soqpaqbaev kóshesiniń Sh. Beısekova kóshesinen K. Kúmisbekov kóshesine deıingi ýchaskesinde qurylys jumystary jalǵasady. Atalǵan ýchaskede kólik qozǵalysy 5 sáýirden bastap qarasha aıyna deıin tolyqtaı shekteledi.
• «Abaıdyń 150 jyldyǵy kóshesin Tilendıev dańǵylynan Beıbarys Sultan kóshesine deıin salý» jobasy iske asyryla bastaıdy. Joba aıasynda Beıbarys Sultan kóshesinen Sulýkól kóshesine deıingi aralyq 5 sáýirden 10 qazanǵa deıin qozǵalys úshin tolyq jabylady.

Sonymen qatar, Kenesary kóshesinde A. Sembınov kóshesinen Saryarqa dańǵylyna deıingi ýchaskede ortasha jóndeý jumystary bastalady (2025 jyly Kenesary kóshesinde E. Brýsılovskıı kóshesinen Á. Sembınov kóshesine deıin jóndeý jumystary júrgizilgen). Jumystar 5–20 sáýir aralyǵynda kezeń-kezeńimen júrgizilidedi.

Qazirgi ýaqytta M. Tynyshbaev kóshesinde A. Baıtursynov kóshesinen J. Nájimedenov kóshesine deıingi aralyqta da jumystar júrgizilýde.

Tolyq jabylatyn ýchaskelerde avtokólik qozǵalysy balamaly baǵyttar arqyly uıymdastyrylady.

Basqarmanyń tarapynan avtobýs baǵyty da ózgeretini eskertildi. 

Jol jóndeý jumystaryna baılanysty jabylǵan kóshelerdiń syzbasy karýselde usynylǵan.

Al Almaty jol jóndeý jumystaryna baılanysty 6 avtobýs marshrýty ýaqytsha ózgeretinin jazdyq.