Astanada birneshe avtobýs baǵytynyń qozǵalys syzbasy ýaqytsha ózgerdi
ASTANA. KAZINFORM – «City Transportation Systems» JShS elordadaǵy birqatar avtobýs baǵytynyń qozǵalys syzbasy ýaqytsha ózgergenin habarlady.
Kompanııa málimetinshe, «Shuǵyla» jáne «Zırat» aıaldamalarynda avtobýstardyń toqtaýyna ýaqytsha múmkindik joq.
Osyǵan baılanysty №4, 4A, 46, 54, 64, 65, 69, 71, 81, 120A, 306, 310, 311, 319 jáne 326 baǵdarlary atalǵan aıaldamalarda jolaýshylardy ýaqytsha otyrǵyzbaıdy jáne túsirmeıdi.
Sonymen qatar №5, 5A, 8, 46, 54 jáne 64 baǵdarlarynyń qozǵalys syzbasy da ýaqytsha ózgertilgen.
Budan bólek, «Baıtursyn TÚK» aıaldamasynda da avtobýstardyń toqtaýyna múmkindik joq.
Sol sebepti №11, 21, 32, 57, 65 jáne 507 baǵdarlary bul aıaldamada jolaýshylardy ýaqytsha otyrǵyzbaıdy jáne túsirmeıdi.
Aıta keteıik, buǵan deıin Astanada 11 avtobýs baǵytyna ózgeris engizilgeni habarlandy.
