Astanada ótetin marafonǵa baılanysty birneshe kóshe jabylady

ASTANA.KAZINFORM  - Astanada respýblıkalyq jarys ótedi. Іs-sharany ótkizý kezinde kóshelerdiń bir bóligi jabylady, dep jazdy elorda ákimdiginiń resmı saıty.

Jarys EXPO mańynda bastalady. Іs-sharany ótkizý kezinde Túrkistan men Aqmeshit kósheleriniń ýchaskelerindegi qozǵalys myna keste boıynsha jabylady:

30 sáýir kúni keshki saǵat 20:00-den bastap Túrkistan kóshesinde EXPO janynda arka ornatý úshin;

1 mamyr kúni saǵat 6:45-ten 10:00-ge deıin Aqmeshit, Túrkistan kósheleri EXPO-dan «Báıterek» monýmentine deıingi aralyqta.

Respýblıkalyq jarys Qazaqstan halqy assambleıasynyń 30 jyldyǵyna arnalǵan jáne «Birligimizge 30 jyl – Assambleıaǵa 30 jyl» uranymen ótedi.

Jarystyń maqsaty – Qazaqstannyń barlyq etnosyn deni saý jáne uıymshyldyqqa degen birtutas umtylysqa biriktirý. Іs-sharaǵa eresekter de, balalar da shaqyrylady.

Júgirý qashyqtyǵy:

1 km – balalar men ınklıýzıvti júgirý;

5 km – skandınavııalyq júris;

5 km – jappaı qoldaý júgirý is-sharasy;

10 km jáne 21,1 km – sertıfıkattalǵan trassalar (jas boıynsha sanattar);

30 km – komandalyq estafeta (6×5 km, komandada keminde bir áıel).

Qatysýshylar 1 mamyr kúni tańǵy saǵat 05:30-da jınalady.

Tańǵy 7-den bastap júgirý bastalady. Іs-shara sońynda qonaqtar júldeler utysyn kútedi.