Astanada birqatar turǵyn úıge gaz berý ýaqytsha toqtatylady
ASTANA. KAZINFORM — Qultýma aqyn kóshesi 25/1 mekenjaıynda jańadan gazdandyrylǵan nysandy Kóktal-1 turǵyn alabyndaǵy GRPSh-8 orta qysymdy gaz qubyryna qosý boıynsha josparly jumystar júrgiziledi, dep habarlaıdy elorda ákimdiginiń resmı saıty.
Osyǵan baılanysty 2026 jylǵy 30 naýryz kúni saǵat 09:00-den 18:00-ge deıin halyqqa gaz berý ýaqytsha toqtatylady.
— Bul rette gaz esepteý quraldary men gaz jabdyqtarynyń buzylý qaýpin boldyrmaý úshin, úılerdiń syrtynda, gaz qubyrynyń kireberisinde ornalasqan apattyq gaz krandaryn jabýdy suraımyz. Jumys aıaqtalǵannan keıin abonentterge gaz berýdiń qaıta qosylǵany týraly habarlama jiberiledi. Gazǵa qatysty suraq boıynsha «QAZAQGAZ AIMAQ» AQ avarııalyq-dıspetcherlik qyzmetine habarlasýǵa bolady: (7172) 55-89-76; WhatsApp: 8 705 597 0204, — delingen «QAZAQGAZ AIMAQ» AQ Astana Óndiristik fılıalynyń habarlamasynda.
Jumystar tolyq aıaqtalǵanǵa deıin syrtqy gaz krandaryn óz betinshe ashýǵa qatań tyıym salynady, sebebi bul gaz esepteý quraldary men gaz jabdyqtarynyń isten shyǵýyna ákelýi múmkin.
Atalǵan jumys myna kóshelerdegi úılerge áser etedi:
- Basyqara batyr,
- Nurbesik,
- Baqtybaı aqyn,
- Qultýma aqyn,
- Tanjaryq Joldyuly,
- Bazarlyq,
- Aqtolqyn,
- Bastańǵy,
- per Sulama,
- per Іzendi,
- Bolashaq.
Budan buryn Astananyń mártebesin aıqyndaıtyn Konstıtýtsııalyq zań jobasy jarııalanǵanyn jazǵan edik.
