Astanada bir mezette 3 myńnan astam oqýshy «Qamajaı» bıin bıledi
ASTANA. KAZINFORM — 18 naýryzda QAZAQSTAN jeńil atletıka kesheninde astanalyq 3 myńnan astam oqýshy qyz bir mezette «Qamajaı» halyq bıin bılep, jappaı oryndaý boıynsha rekord ornatty.
Elorda ákimdiginiń málimetinshe fleshmob «Naýraznama» onkúndigi aıasynda ótip, Ulttyq kıim kúnine oraılastyryldy. Uıymdastyrýshylar — elordalyq Bilim basqarmasy men Tehnıkalyq jáne kórkem shyǵarmashylyq ortalyǵy.
— «Qamajaı» — qazaqtyń ulttyq bıleriniń biri. Ol náziktikti, ádemilikti beıneleıdi. Al mundaı aýqymda óner kórsetý erekshe áser qaldyrýmen qatar, mádenıetimizdi keńinen nasıhattaý úshin de mańyzdy. Qyzdar daıyndyqtarynyń joǵary deńgeıde ekenin kórsetti, biz olardyń ónerin maqtan tutamyz, — deıdi «ShAShÝ» folklorlyq ansambliniń shyǵarmashylyq jetekshisi Rahat Táýirjan.
Fleshmob erekshe sátpen aıaqtaldy: kórermender bı bılegen oqýshy qyzdarǵa qosylyp, olardyń qımylyn qaıtalady. Sol sııaqty bıshi qyzdar qyzǵaldaq gúline uqsap, ádemi kórinis jasady.
Sonymen qatar, is-sharada ulttyq kıimderdiń sán kórsetilimi ótti, onda Astana kolledjderiniń stýdentteri qazaqtyń dástúrli kıimderin kórsetti.
Aıta keteıik, 14 naýryzda Qazaqstanda Naýryz meıramyn toılaýǵa arnalǵan Naýryznam onkúndigi bastaldy. Osy 10 kún ishinde Astanada merekege oraı 200-den astam aýqymdy sharalar — kontsertter, kórmeler, qoıylymdar, shyǵarmashylyq keshter jáne t. b. ótedi.
Aıta ketelik elordadada 15 metrlik jent jasalǵan edi.