Astanada bir kúnde travmatologııa pýnktine qansha adam júgindi

ASTANA. KAZINFORM — Búgin elordadaǵy travmatologııa pýnktilerine barlyǵy 265 adam júgingen. Bul týraly densaýlyq saqtaý basqarmasy habarlady.

Olardyń ishinde 185 jaǵdaı kóshede alǵan jaraqattarmen baılanysty. Medıtsına mamandarynyń málimetinshe, jaraqattar boıynsha bólek sanat júrgiziledi.

— Kóktaıǵaq saldarynan bolǵan jaraqattarǵa qatysty jeke statıstıka eseptelmeıdi. «Kóshede alǵan jaraqattar» sanatyna ashyq aımaqta alynǵan barlyq jaraqat túri jatady, — dep naqtylady baspasóz qyzmeti.

Osyǵan baılanysty qala turǵyndaryna aýa raıynyń qolaısyzdyǵyn eskerip, barynsha saq bolý, jolda jáne kóshede júrip-turý kezinde qaýipsizdik talaptaryn saqtaý usynylady.

Aıta keteıik, Astanada kóktaıǵaq saldarynan 100-den astam jol-kólik oqıǵasy tirkelgenin jazǵan edik.