Astanada bir kúnde aılyq jaýyn-shashyn mólsheriniń úshten biri jaýdy
ASTANA. KAZINFORM — Astanada búgin nóser jaýyn jaýyp, nebári 22 mınýt ishinde 11,4 mm jaýyn-shashyn tústi, dep habarlaıdy elorda ákimdiginiń resmı saıty.
Vedomstvo deregine sáıkes, jalpy 23 shildede jaýǵan jaýyn-shashyn kólemi 18,2 mm-ge jetip, bul aılyq normanyń shamamen úshten birin qurady.
Qazir qalanyń kommýnaldyq qyzmetteri kúsheıtilgen rejımde jumys istep jatyr.
— Buǵan deıin, 22 shildede Astanada 20,8 mm jaýyn-shashyn jaýǵan bolatyn. Osylaısha, eki kún ishinde elordada jalpy 39 mm jaýyn-shashyn jaýyp, bul aılyq normanyń shamamen 70%-yna jetti. Qatty jaýyn-shashyn saldarynan qalanyń jekelegen aýmaqtarynda sý jınaldy. Qolaısyz aýa raıynyń saldary jedel túrde joıyldy, — delingen ákimdik taratqan aqparatta.
Sonymen qatar kommýnaldyq qyzmetter kollektorlar men jańbyr sýyn qabyldaıtyn qudyqtardy tazalaý, qubyrlardy býmen óńdeý, nóser kárizi júıeleri men tazartý qurylystaryn salý jáne t.b. jumystardy turaqty túrde júrgizip keledi.
Buǵan deıin astanalyq qutqarýshylar sý qursaýynda qalǵan kólikterdi shyǵaryp jatqanyn jazǵan edik.
