Astanada bir donor úsh naýqasqa ómir syılady
ASTANA. KAZINFORM — Búgin túnde Astanada bir donordyń aǵzalary úsh naýqasqa transplantatsııalaý úshin alyndy. Bul týraly Densaýlyq saqtaý mınıstri Aqmaral Álnazarova málimdedi.
Donorlyq protsess barysynda júrek, ókpe jáne baýyr alyndy. Atalǵan aǵzalar transplantatsııa kezeginde turǵan patsıentterge arnalǵan.
Mınıstrdiń aıtýynsha, jyl basynan beri Qazaqstanda qaıtys bolǵannan keıingi 132 áleýetti donor anyqtalyp, 205 transplantatsııa jasalǵan.
2025 jyly 18 donorlyq protsess júrgizilgen. Bul aldyńǵy jylmen salystyrǵanda úsh ese kóp. Sol jyly transplantatsııa sany úsh esege jýyq ósip, 68-ge jetti. Al 2023 jyly 19, 2024 jyly 23 aǵza transplantatsııalanǵan.
2026 jylǵy 11 qyrkúıektegi jaǵdaı boıynsha elde 13 mýltıaǵzalyq donorlyq protsess júrgizilgen. Mınıstr bul kórsetkish 2025 jylǵy ósimniń bir rettik nátıje bolmaǵanyn kórsetetinin atap ótti.
Eske salaıyq, munyń aldynda ShQO-da qaıtys bolǵan eki donor birneshe naýqastyń ómirin saqtap qalǵanyn habarlaǵanbyz.
