Astanada boıjetken urlap mingen kóligimen jol apatyna uryndy
ASTANA. QazAqparat - Polıtsııa qyzmetkerleri tanysynyń jol talǵamaıtyn kóligin aıdap ketken 23 jastaǵy qyzdy izin sýytpaı ustap aldy, dep habarlaıdy Aqmola oblysy ІІD baspasóz qyzmeti.
17 shilde kúni 11 saǵat 52 mınýtta Tselınograd aýdandyq polıtsııa qyzmetine Astana qalasynyń Esil aýdandyq ІІB-yndaǵy áriptesterinen 23 jastaǵy elorda turǵynynyń kóligi urlanǵandyǵy týraly habarlama tústi. Jábirlenýshi Qosshy aýyly mańyndaǵy «Chıstye prýdy» demalys orny aýmaǵynda ekeýi birlesip spırttik ishimdik ishkennen keıin tanysy onyń Lexus RX 350 avtokóligin ruqsatsyz aıdap ketkendigin málim etken.
Aqmola polıtseıleri kólikti aıdap áketken boıjetkendi ustaý maqsatynda dereý iske kiristi. Tártip saqshylary ony Astana aýmaǵynda ustady, alaıda boıjetken sol aralyqta jol kólik apatyn sebepshi bolǵan.
Kólik birshama zardap shekken. Jábirlenýshi keltirilgen shyǵyn kólemin 30 mln teńgege baǵalady.
Polıtsııa qyzmetkerleriniń málimetinshe, bıylǵy jyldyń basynan bastap Aqmola oblysynda 52 kólik quraldarynyń urlaný oqıǵasy tirkelgen.
