Astanada boıjetken avtobýstan qulap ketti
ASTANA. QazAqparat - Astanada avtobýs júrgizýshisine qatysty sotaldy tergeý bastaldy, dep habarlaıdy qalalyq ІІD baspasóz qyzmeti.
«9 tamyzda saǵat 19.10-da №31 baǵyttaǵy jolaýshylar tasymaldaý avtobýsynyń 40 jastaǵy júrgizýshi «Ulttyq ǵylymı medıtsına ortalyǵy» aıaldamasynda qozǵalys qaýipsizdigin saqtamaǵan. Ol avtobýs esigin jappaı júrip ketken. Sonyń saldarynan kólik salonynyń shyǵaberis satysynda turǵan boıjetkenniń qulap ketken», - delingen baspasóz baıanynda.
Oqıǵadan túrli deńgeıde jaraqat alǵan 16 jastaǵy boıjetken aýrýhanaǵa jetkizildi. ІІD QR RK 245-baby 1-bóligi boıynsha sotaldy tergeý bastady.
Júrgizýshiniń buǵan deıin de jol qozǵalysy kezinde telefonmen sóılesý, qaýipsizdik belbeýin taqpaý, apatty jaǵdaı jasaǵany úshin birneshe márte ákimshilik jaýapkershilikke tartylǵandyǵy anyqtaldy.
Aıta keteıik, qala boıynsha jyl basynan beri 1200 qoǵamdyq kólik júrgizýshileri ákimshilik jaýapkershilikke tartylǵan eken.
