Astanada bótenniń múlkin búldirgen vandaldar jazalandy
ASTANA.KAZINFORM — Elordalyq polıtseıler vandalızm men qoǵamdyq tártipti buzýshylarmen kúresti jalǵastyryp jatyr. Qalada kezekti vandaldar tabylyp, jaýapqa tartyldy.
2025 jylǵy 27 sáýirde tańǵy saǵat 6:30 shamasynda 33 jastaǵy azamat mas kúıinde meıramhananyń ydys-aıaǵyn syndyryp, kireberis esigin zaqymdaǵan. Quqyq buzýshy ÁQBtK-niń 147-1 babyna sáıkes ákimshilik jaýapkershilikke tartyldy.
Dál osyndaı oqıǵa 9 sáýir kúni saǵat 17:30 shamasynda bolǵan. Azamat turǵyn úıdiń kireberis esigin qasaqana búldirip, terezesin syndyrǵan. Ol da ÁQBtK-niń 147-1 baby boıynsha ákimshilik jaýapkershilikke tartyldy.
2025 jyldyń 18 aqpanynda saǵat 13:30-da taǵy bir azamat avtokóliktiń syrtqy aınasyn qasaqana búldirip ketken. Keltirilgen zalal úshin oǵan 196 600 teńge aıyppul salynyp, ÁQBtK-niń 147-1 babyna sáıkes jaýapkershilikke tartyldy.
Eske salaıyq, elordalyq prokýratýranyń úılestirýimen «Zań jáne tártip» narratıvin júzege asyrý aıasynda polıtsııa organdary jergilikti atqarýshy organdarmen birlesip, vandalızmge qarsy belsendi jumysty jalǵastyryp jatyr. Bótenniń múlkin qasaqana joıý nemese búldirý, eger árekette qylmystyq quqyq buzýshylyq belgileri bolmasa, 60 AEK mólsherinde aıyppul salýǵa nemese 30 táýlikke deıin qamaýǵa alýǵa ákep soǵady.
2025 jyldyń basynan beri 75 adam ákimshilik jaýapkershilikke tartylyp, 46-sy qamaýǵa alyndy, 29-yna jalpy somasy 4 mıllıon teńgeden astam aıyppul salyndy.
Elordada da «Toqta, vandal» profılaktıkalyq aktsııasy jalǵasyp jatyr, onyń aıasynda kúndizgi jáne túngi ýaqytta reıdter, halyqqa túsindirý jumystary, sondaı-aq eriktiler, belsendiler, tanymal sportshylar men múddeli azamattardyń qatysýymen is-sharalar ótkizilip jatyr. Aktsııanyń maqsaty – vandalızmniń aldyn alý jáne qala múlkiniń saqtalýyn qamtamasyz etý.
Aıta ketelik elordada vandaldar qalaı jazalanatyny týraly jazǵan edik.