Astanada botanıkalyq baq ashylady
ASTANA. QazAqparat - Qurylysy 2016 jyly bastalǵan botanıkalyq baq 2017 jyldyń sońyna deıin aıaqtalady, dep habarlaıdy «Astana qalasynyń sáýlet jáne qala qurylysy basqarmasy» MM.
Botanıkalyq baqta ǵylymı ázirlemeler júrgizilip, tanymdyq, oqý-aǵartýshylyq, kóńil kóterý, ekologııalyq jáne tabıǵat qorǵaý sharalary ótkiziledi.
Bul jerde taǵamdyq, tehnıkalyq, dárilik, dekoratıvtik ósimdikterdiń ekspozıtsııalary qurylatyn bolady, bular - aǵashtar, butalar, lıanalar, shópti ósimdikter, múk, qyna.
Elorda turǵyndary men qonaqtary botanıkalyq baqqa jyl boıy kele alady. Nysan 100 ga aýdanda Qabanbaı batyr dańǵyly, Túrkistan kóshesi, № 24 jáne № 26 kóshelerdiń shekaralarynda ornalasatyn bolady.
