Astanada bos jumys oryndary jármeńkesi ótedi
NUR-SULTAN. QazAqparat - Elordada 80-nen astam jumys berýshi 1 myńnan astam bos jumys ornyn usynady, dep habarlaıdy QazAqparat ákimdikke silteme jasap.
22 mamyrda saǵat 10:00-den 13:00-ge deıin Halyqty jumyspen qamtý ortalyǵy «Jastar» saraıynda jalpyqalalyq bos oryndar jármeńkesin ótkizedi.
Bos jumys oryndary jármeńkesi óz alańynda elordanyń 80-nen astam jumys berýshisiniń basyn qosady. Olar 1 myńnan astam bos jumys ornyn usynbaq.
Jármeńkege kelýshiler jumys berýshilermen aldyn ala áńgimelesýden ótip, túıindemesin qaldyra alady. Oqý oryndarynyń túlekteri úshin jastar praktıkasynan ótý, sondaı-aq halyqtyń nysanaly toptarynyń tulǵalaryna áleýmettik jumys oryndary máselesi boıynsha aqparat alý múmkindigi usynylady.
Sonymen qatar, nıet bildirýshiler jumyspen qamtý ortalyǵynyń mamandarynan qajetti mamandyqtar boıynsha qysqa merzimdi kásiptik oqýdan ótý máseleleri boıynsha keńes ala alady.
