Astanada bos jumys oryndar jármeńkesi ótýde

Jármeńkege 25 bilim berý uıymy, sondaı-aq bilikti mamandar kadryna muqtaj 30-ǵa jýyq jumys berýshi qatysýda.

Ár qatysýshy qala boıynsha bos jumys oryndarynyń jáne bos laýazymdar derekteriniń bankimen, kásiptik daıarlaý kýrstarynda oqý júrgiziletin kásipterdiń tizimimen tanysa alady. Sonymen birge, aqyly qoǵamdyq jumystar týraly aqparattarmen tanysý múmkindigi bar.

Astana qalasynyń Jumyspen qamtý jáne áleýmettik baǵdarlamalar basqarmasy bastyǵynyń orynbasary Oljas Omardyń aıtýynsha, búgin jumys berýshiler 800-ge jýyq bos jumys ornyn usynyp otyr.

«Búgingi jármeńke JOO-larǵa túsýge nemese jumys isteýge qulyqty mektep túlekterine arnalǵan. Biz qandaı mamandyqtarǵa túsý kerektigi jóninde keńester beremiz. Bizde 480 adamdy qaıta daıarlyqtan ótkizý josparda bar», - dep atap kórsetti ol.