Astanada bos jumys oryndar jármeńkesi ótedi
ASTANA. QazAqparat - Astanada jastarǵa arnalǵan bos jumys oryndar jármeńkesi ótkiziledi, dep habarlaıdy QazAqparat qalalyq jastar saıasaty basqarmasyna silteme jasap.
Sátpaev kóshesindegi L.N.Gýmılev atyndaǵy Eýrazııa ulttyq ýnıversıteti bas ǵımaratynyń atrıýmynda ótkiziletin shara saǵat 10:00-da bastalady. Onyń ákimdiktiń «Astana jastary» jastar resýrstyq ortalyǵy uıymdastyrady.
Bos jumys oryndar jármeńkesine qaladaǵy 40-tan astam jumys berýshiler qatysyp, ózderinde bar bos jumys oryndary týraly aıtady. Jármeńke JOO, ShOO túlekteri jáne qaladaǵy jastar arasynda jumyssyzdyqty azaıtý jáne tájirıbeli jastardy naqty jumyspen qamtamasyz etýdi maqsat tutady.
Osy tektes is-sharalarǵa kelý, tájirıbesi bar jumys izdeýshilerge de, qandaı da bir sebepterge baılanysty óz jumysynda jetistikke jete almaı, óz ornyn izdep júrgenderge, sondaı-aq jumys izdeýde áli ysylmaǵan túlekter men stýdentterge de óte paıdaly, dep málim etti basqarmadaǵylar.
