Astanada bos jumys oryndar jármeńkesi ótedi

ASTANA. QazAqparat - Astana qalasynyń Jastar saıasaty máseleleri jáne Astana qalasynyń Jumyspen qamtý jáne áleýmettik baǵdarlamalar basqarmalarynyń qoldaýymen 9 qyrkúıek kúni «Jastar» saraıynda bos jumys oryndary jármeńkesi ótedi, dep habarlaıdy ákimdiktiń resmı saıty.

Atalmysh is-sharaǵa joǵary jáne kásibı-tehnıkalyq bilim berý mekemeleriniń túlekteri, jumyssyz jastar qatysady. Jármeńke saǵat 10:00-14:00 aralyǵynda ótedi. Іs-sharabarysynda 50-den astam bos jumys orny usynylady.

Jármeńke barysynda jas túlekter bos jumys oryndary boıynsha qajetti aqparat alyp, dıplomdaryna sáıkes jumys tabýǵa múmkindik alady. Jumys berýshiler úmitkerleriniń iskerlik qasıetterine baǵa berip, jumysqa jas mamandardy tartady.

Atalmysh mańyzdy is-shara jastar arasynda jumyssyzdyqtyń azaıýyna septigin tıgizedi.