Astanada bos oryndar jármeńkesinde 1200 adam jumysqa ornalastyryldy

ASTANA. QazAqparat - Jyl basynan beri elordada tirkelgen jumyssyzdar sany 1,5 esege azaıdy, al aǵymdaǵy aıda 2939 adamdy qurady. Salystyryp kóreıik, ótken jyldyń sáıkes merziminde bul kórsetkish 4567 bolǵan. Bul týraly astana.kz saıtyna Astana qalasynyń Ekonomıka jáne bıýdjettik josparlaý basqarmasynan habarlady.

Sonymen qatar, Jumyspen qamtý qyzmetine 4811 azamat júgingen, sonyń ishinde 1181-i eńbekpen qamtylsa, 993-i qoǵamdyq jumystarǵa qatysady. Jumyspen qamtý jáne áleýmettik baǵdarlamalar basqarmasy elorda turǵyndaryn jumysqa ornalastyrý maqsatynda bos oryndar jármeńkesin turaqty ótkizedi. Jyl basynan beri qalada osyndaı 4 shara ótkizildi. Sonyń ishinde múmkindigi shekteýli jandarǵa arnalǵan jármeńke de uıymdastyryldy. Vedomstvo málimetterine sáıkes, sharaǵa qatysqan 3500 astam adamnyń 1200-i jumysqa ornalastyryldy.

Bos oryndar jármeńkesi jumys izdeýge kómektesedi, onda ár adam laıyqty jumys ornyn tabý úshin jumys berýshilermen tikeleı áńgimelesedi, jumys sharttarymen jáne qoıylatyn talaptarmen tanysady.

Budan basqa, jumys izdeýshiler zhasmaman.kz ınternet saıtynda elektrondy eńbek bırjasynda bos oryndarmen tanysyp, túıindemelerin qaldyra alady. Saıttaǵy málimetterdi 100 myńnan astam adam qoldanǵan.