Astanada bopsalaý jolymen 30 myń dollar alǵan jalǵan qarjy polıtsııasy qyzmetkeri ustaldy
ASTANA. 2 shilde. QazAqparat - Astana qalasy boıynsha qarjy polıtsııasy departamentiniń ishki qaýipsizdik bóliminiń qyzmetkerleri ózin qarjy polıtsııasynyń tergeýshisi retinde kórsetip,
bopsalaý jolymen qalalyq memlekettik mekemelerdiń biriniń bas býhgalteri A.esimdi azamatshadan 30 myń dollary somasynda aqsha qarajattaryn alǵan K.Lekerov esimdi azamatty ustady.
Býhgalterdi alaıaq oǵan qatysty qarjy polıtsııasyna túsken aryz boıynsha tekseris júrgizip, is-áreketterinde qarjylyq buzýshylyqtardy anyqtaǵandyǵyna sendirdi. Budan keıin A.esimdi azamatshadan tekseris nátıjeleri boıynsha oń sheshim shyǵarýy úshin aqsha qarajattaryn bopsalaǵan.
Lekerovqa qatysty alaıaqtyq faktisi boıynsha qylmystyq is qozǵalyp, 27 maýsymda ol sot sanktsııasymen qamaýǵa alyndy.
