Astanada bombapanada bolǵan órtti sóndirý kezinde órt oshaǵynan úsh adam oralǵan joq, olardyń ishinde tótenshe jaǵdaılar departamenti bastyǵynyń orynbasary bar
ASTANA. Aqpannyń 18-i. QazAqparat - Astanada bombapanada bolǵan órtti sóndirý kezinde órt oshaǵynan úsh adam oralǵan joq,
olardyń ishinde tótenshe jaǵdaılar departamenti bastyǵynyń orynbasary bar, dep habarlady Tótenshe jaǵdaılar mınıstrliginiń baspasóz qyzmetinen.
Yqylas Dúkenuly atyndaǵy kóshedegi tehnoparktiń aýmaǵynda ornalasqan bombapananyń ishinde sársenbi, aqpannyń 17-si kúni órt shyqty, dep habarlaıdy vedomstvodan. Onyń aýmaǵy shamamen 500 sharshy metrdi quraıdy. Al pananyń jalpy aýdany - 1080 sharshy metr.
Tilsiz jaýdy aýyzdyqtaý kezinde órt oshaǵynan úsh adam oralmaı qaldy, olar: Astana qalasynyń Tótenshe jaǵdaılar departamenti bastyǵynyń orynbasary V.Zaıtsev, departamenttiń 6-shy órt sóndirý bóliminiń bastyǵy R. Kákishev, 3-shi órt sóndirý bólimi qyzmeti bastyǵynyń orynbasary S.Ábeevter.
Qazir oqıǵa ornynda qyzmetkerlerdi izdestirý jáne órtti sóndirý sharalary jalǵasýda, dep habarlady vedomstvodan. Tótenshe oqıǵanyń saldaryn joıýǵa departamenttiń órt sóndirý qyzmetiniń 33 adamy men 9 tehnıkasy jumyldyrylyp otyr.
