Astanada bólshek saýda salyǵy 3 paıyzǵa deıin tómendedi

ASTANA. QazAqparat - Astana qalasy boıynsha memlekettik kirister departamenti bólshek saýda salyǵy boıynsha arnaýly salyq rejımin qoldanatyn elordalyq kásipkerlerge stavkanyń 3 paıyzǵa deıin tómendegenin habarlady.

Sonymen qatar, búgingi tańda Astana qalasy boıynsha myńnan astam salyq tóleýshi atalmysh rejımdi qoldanady.

Esterińizge sala keteıik, rejımdi qoldaný sharttary týraly qyzmetkerlerdiń sany 200 adamnan aspaýy kerek, jyldyq kirisi 600 myń AEK-ten aspaýy kerek.

Bólshek saýda salyǵynyń ASR quramyna 190 qyzmet túri kiredi.

Atap aıtqanda, bólshek saýda, avtomobılderdi, kıimder men jıhazdardy jóndeý, sonymen qatar sylaq, syrlaý jáne aǵash ustasy, qoǵamdyq tamaqtandyrý jáne jolaýshylar tasymaly jáne basqa.

Bólshek salyq boıynsha salyq kezeńi - toqsan.

Bólshek salyq boıynsha deklaratsııa 913.00-nysanda, salyq tóleýshiniń ornalasqan jeri boıynsha MKB-ǵa esepti toqsannan keıingi ekinshi aıdyń 15-kúninen keshikpeı beriledi.

Bul norma 30 maýsymdaǵy buıryqpen bekitilgen.

Sheshim 2023 jyldyń 1 qańtarynan bastap qoldanysqa endi.