Astanada bolǵan jol kólik apatynda tórt adam japa shekti, solardyń ishinde 5 aılyq náreste bar
ASTANA. QazAqparat - Astanada bolǵan jol kólik apatynda tórt adam japa shekti, solardyń ishinde 5 aılyq náreste bar, dep habarlady elordalyq ІІD baspasóz qyzmetinen.
«10-emhana aýdanynda Jambyl jáne 188-shi kósheleriniń qıylysynda eki kólik soqtyǵysty. Burylysta BMW qarsy jolaqta kele jatqan Mercedes-tiń jolyn qıǵan. Jol kólik oqıǵasy saldarynan aldyńǵy jolaýshy ornynda otyrǵan anasynyń qolynda tıisti jaraqsyz bolǵan 5 aılyq sábı japa shekti», - delingen habarlamada.
Jedel járdem qyzmeti náresteni túrli jaraqattarmen aýrýhanaǵa jetkizdi.
Qazirgi ýaqytta balanyń jaǵdaıy birqalypty dep baǵalanýda.
Sábımen birge BMW kóligindegi taǵy úsh jolaýshy japa shekti. Olarǵa da medıtsınalyq kómek kórsetildi.
«Eger sábı balalarǵa arnalǵan jabdyqpen tasymaldansa, mundaı jaraqattar bolmaýy múmkin edi», - dedi ІІD ÁPB erekshe tapsyrmalar boıynsha aǵa ınspektory Larısa Krasnıkova.
