Astanada bolǵan órttiń saldarynan 140 adam jedel kóshirildi, onyń 90-y - balalar
ASTANA. Qarashanyń 24-i. QazAqparat - Astanadaǵy «Jas tolqyn» jastar ortalyǵynda keshe tańerteń bolǵan órttiń saldarynan nysannan 140 adam jedel kóshirildi, onyń 90-y - balalar,
dep habarlaıdy Qazaqstannyń Tótenshe jaǵdaılar mınıstrliginiń baspasóz qyzmetinen.
Nysan «Saryarqa» aýdanynda, Birjan sal kóshesindegi bes qabatty turǵyn úıdiń birinshi qabatynda ornalasqan. Shamamen saǵat 09.06-da bastalǵan órtke toraptaǵy elektr kabeliniń tutanýy sebep bolǵan. 2 sharshy metrge jaıylyp úlgergen jalyn saǵat 09.55-te aýyzdyqtaldy. Órt oshaǵy Astana qalasy Tótenshe jaǵdaılar departamentiniń órt sóndirý qyzmetiniń - 32 adam men tehnıkanyń kúshimen saǵat 10.09-da tolyq sóndirildi.
