Astanada bolǵan órt saldarynan kúıik shalǵan áıel men ıis tıgen er adam aýrýhanaǵa jetkizildi
ASTANA. 11 naýryz. QazAqparat - Astananyń Saryarqa aýdanynda eki órt oqıǵasy boldy. Bul týraly QR TJM-niń baspasóz qyzmetinen habarlandy.
Keshe saǵat 22:20-da jekemenshik turǵyn úı otqa orandy. Jalyn saǵat 22:45-te aýyzdyqtalyp, 22:57-de sóndirildi.
Onymen kúreske Astana qalasy TJD-niń órt sóndirý qyzmeti jeke quramynyń 19 adamy men 4 tehnıkasy, QR TJM «Apattar medıtsınasy ortalyǵy» MM-niń 3 adamy men 1 tehnıkasy jumyldyryldy.
Jalyn 30 sharshy metr aýmaqty sharpydy. Termııalyq kúıik shalǵan 29 jastaǵy áıel aýrýhanaǵa jetkizildi.
Sondaı-aq jekemenshik turǵyn úıdiń aýmaǵynda ornalasqan qurylys vagonshasynda túngi saǵat 01:41-de órt boldy. Jalyn saǵat 02:07-de aýyzdyqtalyp, 02:24-te sóndirildi.
Onymen kúreske Astana qalalyq TJD órt sóndirý qyzmetiniń 15 adamy men 4 tehnıkasy, QR TJM «Apattar medıtsınasy ortalyǵy» MM-niń 3 adamy men 1 tehnıkasy jumyldyryldy. Jalyn 20 sharshy metr aýmaqqa tarady. Iis tıip ýlanǵan 37 jastaǵy er adam aýrýhanaǵa jetkizildi.
