Astanada bolǵan órt saldarynan er adam ıis tıip ýlandy
ASTANA. 10 qyrkúıek. QazAqparat - 9 qyrkúıek kúni saǵat 02:49-da Astana qalasyndaǵy Almaty aýdany Ońtústik-Shyǵys shaǵynaýdanynda ornalasqan jekemenshik turǵyn úıde órt boldy.
Bul týraly QR TJM-niń baspasóz qyzmetinen habarlady.
Órt saǵat 03:19-da aýyzdyqtalyp, 03:37-te tolyqtaı sóndirildi. Oǵan QR TJM Astana qalalyq TJD-niń órt sóndirý qyzmetindegi jeke quramnyń 12 adamy men 2 tehnıka birligi jumyldyryldy.
Jalyn tili 15 sharshy metr jerge tarady. Iis tıip ýlanǵan 32 jastaǵy er adam aýrýhanaǵa jetkizildi
