Astanada bolǵan órt kezinde ekinshi qabattan sekirgen úsh adam aýrýhanaǵa jetkizildi - QR TJM
ASTANA. 26 jeltoqsan. QazAqparat - Búgin saǵat 05:23-te Astanadaǵy «Astanavodservıs» JShS-niń ıeligindegi eki qabatty ǵımarat shatyrynyń shamamen 2 myń sharshy metri otqa orandy, dep habarlaıdy QR TJM.
Jalyn saǵat 06:44-te aýyzdyqtaldy. Onymen kúreske QR TJM Astana qalalyq TJD órt sóndirý qyzmetiniń 42 adamy men 12 tehnıkasy jumyldyryldy.
Oqıǵa ornynan órt kezinde ekinshi qabattan sekirip, túrli jaraqattar alǵan esimderi anyqtalmaǵan úsh adam aýrýhanaǵa jetkizildi.
