Astanada bolǵan kisi óltirý oqıǵasynyń bas kúdiktisi ustaldy - ІІD
ASTANA. 17 mamyr. QazAqparat /Jasulan Amanbaıuly/ - 28 sáýir kúni Astanada Bógenbaı dańǵyly boıyndaǵy dúkenniń janynda oryn alǵan kisi óltirý oqıǵasynyń bas kúdiktisi tutqyndaldy.
Ol Reseı Federatsııasynda týǵan, sońǵy jyldary Astana qalasynda turyp kelgen 21 jastaǵy azamat bolyp shyqty.
Bul týraly búgin brıfıngte Astana qalalyq ishki ister departamenti memlekettik til jáne aqparat bóliminiń bastyǵy Nurdildá Oraz málim etti.
«Bıylǵy jyldyń 28 sáýirinde saǵat 16.54 shamasynda Astana qalalyq ІІD Jedel basqarý ortalyǵyna Bógenbaı dańǵyly boıyndaǵy dúken janynda denesinde zorlyq-zombylyq belgileri bar 1991 jyly týǵan «A» esimdi azamattyń máıiti tabylǵany týraly habarlama kelip túsken. Jedel-izdestirý sharasyn ótkizý barysynda Reseı Federatsııasynda týǵan, Astana qalasynyń turǵyny 1990 jyly týǵan «M» esimdi azamat tutqyndaldy»,-deıdi N. Oraz.
Kúdikti týraly tolyq aqparat jáne oqıǵanyń jaı-japsarlary týraly maǵlumattar tergeý amaldarynyń múddesine baılanysty jarııalanbaı otyr.
Qazirgi ýaqytta kúdikti Astana qalasynyń ІІD-niń ýaqytsha ustaý ızolıatoryna qamalyp, qylmystyq is qozǵaldy. Bul boıynsha 10 jyldan 20 jylǵa deıin bas bostandyǵynan aıyrý jazasyn qarastyrylady.
