Astanada bolǵan iri jol-kólik apatyna kináli júrgizýshige izdeý jarııalandy
ASTANA. QazAqparat - Astanada úsh kólik soqtyǵysyp, 1 adam qaza tapty, dep habarlady ІІD baspasóz qyzmetinen.
«BMV» markili kóligin mingen júrgizýshi 14 shildede shamamen saǵat 22.00-de Dostyq dańǵyly arqyly Saýran kóshesine qaraı baǵyt alyp, sol jolda kele jatqan «VAZ 2114» markili kóligine soǵylǵan. Soqqydan «VAZ 2114» kóligi joldyń qarsy betine shyǵyp ketip, «Leksýs» kóligine soǵylǵan», - delingen habarlamada.
Oqıǵa saldarynan 21 jastaǵy «VAZ-2114» kóliginiń jolaýshysy oqıǵa ornynda kóz jumdy. «Leksýs» kóliginiń jolaýshysy Temir jol aýrýhanasyna jetkizilip, onda dárigerlerdiń qaraýynan soń úıine jiberildi.
Polıtsııa qyzmetkerleri jedel-izdestirý sharalary kezinde «BMV» kóligin Aqmeshit kóshesiniń boıynan tapty. Jasyrynǵan júrgizýshini izdestirý jumystary júrgizilip jatyr.
ІDD atalǵan jol-kólik apatynyń kýágerlerin 8(7172)71-61-94, 8(7172)71-62-14, 8 701 794 00 94, nemese «102» telefon nomerlerine habarlasýdy suraıdy.
