Astanada bolǵan apat saldarynan 900-den astam páter sýsyz qaldy
ASTANA. QazAqparat - Elordanyń «Almaty» aýdanynda turǵyn úı keshenderiniń 11 blogy apat saldarynan sýsyz qaldy, dep habarlaıdy aýdan ákimi Ádilbek Sársembaev.
Onyń aıtýynsha, dıametri 500 mm bolatyn magıstraldik sý qubyry jarylyp, saldarynan Qoblandy batyr kóshesiniń Býrabaı kóshesimen qıylysyn sý aldy.
«Qazirgi sátte sýdy sorǵyzýǵa 20-dan astam assenızatorlyq kólik jumyldyryldy. Turǵyn úı keshenderiniń 11 blogyna, ıaǵnı 900 páterge sý berý toqtatyldy. Boljammen 3 saǵatta bári qalpyna keledi. Barlyq qyzmetter apat ornynda jumys isteýde. Túsinistikpen qaraýlaryńyzdy suraımyz jáne ýaqytsha yńǵaısyzdyqtar úshin keshirim suraımyz», - dep jazdy óziniń Facebook-tegi paraqshasynda Sársembaev.
