Astanada bolatyn Devıs kýbogi jarysyndaǵy alǵashqy kezdesýinde A. Golýbevtiń jeńiske jetýine barlyq múmkindigi bar - Reseı tennıs qaýymdastyǵynyń prezıdenti Sh. Tarpışev
ASTANA. Qyrkúıektiń 16-sy. QazAqparat /Jasulan Amanbaıuly/ - Reseı tennıs qaýymdastyǵynyń prezıdenti Shámil Tarpışev,
erteń Astanada bastalatyn Devıs kýbogi jarysyndaǵy alǵashqy kezdesýinde A. Golýbevtiń jeńiske jetýine barlyq múmkindigi bar dep esepteıdi. Búgin ol bul týraly jerebe tartý rásiminde aıtty.
Qyrkúıektiń 17-degi ashylý saltanatynan keıin, alǵashqy kezdesýde A. Golýbev shveıtsarııalyq Marko Sıýdınellıge qarsy oınaıtyn bolady. Sh. Tarpışev óziniń burynǵy tárbıelenýshilerine qoldaý kórsetý úshin elordaǵa arnaıy at basyn tiregen. «Menińshe Golýbevtiń birinshi oınaıtyny jaqsy, jerebe sátti tartyldy. Sebebi A.Golýbev jeńiske jetedi degen múmkindik basym. Esep 1:0 bolsa, M. Kýkýshkınge alańdaıtyn eshnárse qalmaı, oǵan bul jaıt psıhıkalyq turǵyda ońaı tıetini sózsiz», dep atap kórsetti ol.
Erteń, Astanadaǵy Ulttyq tennıs ortalyǵynda «Devıs kýbogy» álemdik tobynyń pleı-off synynda Egor Shaldýnov jattyqtyratyn Qazaqstan quramasy óz kortynda shveıtsarııalyq sportshylardy qabyldaıdy. Alǵashqy Andreı Golýbev pen Marko Sıýdınellı kezdesýinen keıin, M.Kýkýshkın men Stanıslas Vavrınka juby kúsh synasatyn bolady.
