Astanada «Bolashaq» túlekteri arasynda badmıntonnan áýesqoılar jarysy ótti
ASTANA. QazAqparat - «Bolashaq» baǵdarlamasynyń resmı ákimshisi QR Mádenıet jáne sport mınıstrliginiń qoldaýymen Qazaqstan Respýblıkasy Prezıdentiniń «Bolashaq» halyqaralyq stıpendııasynyń túlekteri jáne «Halyqaralyq baǵdarlamalar ortalyǵy» AQ qyzmetkerleri arasynda Astana qalasynda badmınton oıyny boıynsha «Bolashak Badminton Tournament BBT» І týrnıri óttti.
Týrnırdiń basty ıdeıasy - belsendi sport túri retinde badmınton oıynyń dáripteý jáne Astananyń zııatker jastary arasynda salaýatty ómir saltyn nasıhattaý, «Bolashaq» baǵdarlamasynyń túlekteri arasynda komandalyq rýhty qoldap, dostyq baılanys pen qarym-qatynasty kúsheıtý, dep habarlaıdy «Halyqaralyq baǵdarlamalar ortalyǵy» AQ baspasóz qyzmeti.
Áýesqoılyq jarys ártúrli jastaǵy erler jáne áıelder arasynda jekelegen kategorııada olımpıadalyq júıe boıynsha ótken bolatyn. Onda barlyǵy 32 adam qatysty.
Birinshi oryndy «Bolashaq» baǵdarlamasynyń túlegi Shynar Aldajýmanova, ekinshi oryndy resmı ákimshisiniń ókili Berik Naımanov, úshinshi oryndy «Halyqaralyq baǵdarlamalar ortalyǵy» AQ qyzmetkeri Qaıyrjan Ǵaınýllıev jáne «Bolashaq» baǵdarlamasynyń túlegi Erlan Іkram ıelendi.
Týrnırdi uıymdastyrýǵa Qazaqstandaǵy badmınton federatsııasy, Astana qalasynyń dene shynyqtyrý jáne sport basqarmasy jáne «Alaý» muzaıdyny saraıy qoldaý kórsetkender:
«Jarys Rıo-de-Janeırodaǵy Olımpııada oıyndaryna qatysyp jatqan qazaqstandyq sportshylardy qoldaý maqsatymen jáne Halyqaralyq jastar kúnine oraı ótkizildi. Bizdiń oıymyzsha, osyndaı sporttyq is-sharalar jappaı sporttyń jáne salaýatty ómir saltynyń damýyna qýatty shabyt beredi», dedi «Halyqaralyq baǵdarlamalar ortalyǵy» AQ prezıdenti Ǵanı Nyǵymetov.
