Astanada «Bolashaq» stıpendııasy ıegeri, marqum A. Ramazanovany eske alýǵa arnalǵan kesh ótedi

«Bolashaq» Qaýymdastyǵynan atap kórsetkendeı, A.Ramazanova óziniń qysqa ǵumyrynda Ulybrıtanııa eline Qazaqstandy laıyqty túrde tanystyra bildi, úzdik stýdent atandy, jaqyndary men dostary arasynda syıly boldy.

«Bolashaq» grantyn ıelený úshin jazǵan óz ótinishinde Ajar bylaı degen: ««Bolashaq» - memleket qarjysyna bilim alý ǵana emes, eń aldymen, ózge elderge óz memleketińdi tanystyrý maqtanyshy jáne jaýapkershiligi».

Keshti ótkizý maqsaty - Elbasy N. Nazarbaevtyń bastamasymen qurylǵan «Bolashaq» baǵdarlamasy boıynsha bilim alǵan, tabysty jetistikterge qol jetkizgen jastardy kórsetý.

Іs-shara barysynda A.Ramazanovanyń sýret ónerindegi ustazy bolǵan avtrııalyq sýretshi Nina Zurdyń sýret kórmesi ótip, oǵan Ajardyń qolynan shyqqan kartınalar men óziniń jeke portreti qoıylmaq. Sondaı-aq, «Halyqaralyq baǵdarlamalar ortalyǵy» AQ-nyń («Bolashaq») búgingi kúngi jumysy týraly vıdeomaterıal kórsetiledi. Al «Denar» vokaldy-ınstrýmentaldy trıosy Bahyt Qaıyrbekovtiń sózine jazylǵan qazaq ánderi men qazaq tiline aýdarylǵan alys-jaqyn shet elderdiń ánderin oryndaıdy.