«Bolashaq oıyndary – 2026»: Astanaǵa 800-den astam qatysýshy keledi
ASTANA. KAZINFORM — 29 shilde men 9 tamyz aralyǵynda Astana tsıfrlyq jáne dástúrli sport túrleriniń basyn qosatyn fıdjıtal sporttyń álemdik alańyna aınalady.
El astanasynda jańa býyn jarystarynyń 12 kúndik baǵdarlamasyna 50-den astam ult ókilinen quralǵan halyqaralyq klýbtardyń quramyndaǵy 800-den astam qatysýshy, tehnologııalyq brendter men myńdaǵan kórermen bas qosady. Bul dodada sport pen shoý ózara toǵysady.
«Bolashaq oıyndary – 2026» (GOTF 2026) baǵdarlamasyna mynalar kiredi: fıdjıtal fýtbol; fıdjıtal basketbol; koroldik shaıqas; fıdjıtal shýter; fıdjıtal bı; MOBA PC; MOBA Mobile; fıdjıtal jekpe-jek.
Uıymdastyrýshylar men IPSOS halyqaralyq zertteý kompanııasynyń derekterine sáıkes, «Bolashaq oıyndary – 2025» (GOTF 2025) týrnıri bul formatqa álemdik qyzyǵýshylyqtyń joǵary ekenin kórsetti: 850-den astam qatysýshy; álem boıynsha 461 mıllıonnan astam onlaın qaralym; 137 mıllıon biregeı kórermen.
Sondaı-aq «Bolashaq oıyndary – 2025» týrnırine ondaǵan myń kórermen qatysyp, jarystardyń translıatsııasy álemdegi jetekshi medıaplatformalar men strımıngtik servıster arqyly kórsetildi.
Eske salaıyq, is-shara bıletteriniń satylymy bastalyp ketti. Bıletterdi onlaın platformalar arqyly satyp alýǵa bolady.
Aıta ketelik Astanada «Bolashaq Oıyndary 2026» bıletteriniń satylymy bastaldy.
