Astanada bolashaq kóshbasshylar pikir talastyrdy
TANA. 13 qazan. QazAqparat /Jasulan Amanbaıuly/ - Astanada QR Tuńǵysh Prezıdentiniń murajaıynda elorda mektepteriniń oqýshylaryna arnalǵan «Otbasynda lıderlik qasıetke tárbıeleý» atty pikirtalas-sabaq ótti.
Sabaq barysynda oqýshylar «kóshbasshy» uǵymyn talqylap, óz boılaryndaǵy lıderlik qasıet neden kórinedi, belsendi ómirlik qaǵıdań bar ma, ózińdi óziń jetildirýge, damytýǵa umtylasyń ba, mektepte oqýshylardyń jetistikke jetýi úshin qandaı jaǵdaılar qajet degen suraqtar boıynsha oı bólisti.
Sonymen qatar oqýshylar «lıder bolyp týa ma, álde qalyptasa ma» degen suraqqa pikir almasý uıymdastyryp, óz pikirlerin jan-jaqty saralady.
Uıymdastyrýshylardyń aıtýynsha, sabaqtyń maqsaty tulǵanyń qalyptasýyna áser etetin faktorlardy anyqtaı otyryp, oqýshylardyń boıynda lıderlik qasıettiń qalyptasýyna yqpal etý boldy.
Pikirtalas-sabaqqa QR Bilim jáne ǵylym mınıstrliginiń ókilderi, Bilim basqarmasy, «Atameken» ǵylymı-pedagogıkalyq baǵdarlamalardyń avtorlary, ata-analar qoǵamynyń músheleri, astanalyq mektepterdiń oqýshylary qatysty.
