Atom salasynyń bolashaǵy: Astanada ǵalymdar men mamandar bas qosty
ASTANA. KAZINFORM — QR Prezıdenttik ortalyǵynyń bazasynda Qazaqstan Respýblıkasy Atom energııasy jónindegi agenttiginiń uıymdastyrýymen «Bolashaq atomy» atom ǵylymy men tehnologııalary boıynsha halyqaralyq konferentsııasy ótti.
Іs-shara Qazaqstan Respýblıkasynyń Atom salasy qyzmetkerleri kúnine oraı uıymdastyryldy. Konferentsııanyń maqsaty — Qazaqstannyń atom salasynyń qazirgi jaı-kúıi men damý perspektıvalaryn, eldiń ǵylymı-tehnologııalyq áleýetin, kadr daıarlaý jáne suranysqa ıe quzyretterdi qalyptastyrý máselelerin, sondaı-aq ǵylymı ázirlemelerdi óndiriske engizý men kommertsııalandyrý baǵyttaryn talqylaý boldy.
Іs-sharada Qazaqstan Respýblıkasy Atom energııasy jónindegi agenttiginiń, Qazaqstan Respýblıkasynyń Ulttyq ıadrolyq ortalyǵynyń, ıAdrolyq fızıka ınstıtýtynyń, «Qazatomónerkásip» UAK» AQ, «ıAdrolyq tehnologııalar parki» AQ jáne «Qazaqstandyq atom elektr stantsııalary» JShS ókilderi baıandama jasap, atom salasynyń ózekti máseleleri men damý perspektıvalary jóninde pikirlerimen bólisti.
«Qazaqstannyń búgingi atom salasy» taqyryptyq blogy aıasynda qatysýshylar atom salasy úshin kadr daıarlaý, ǵylymı zertteýler men perspektıvalyq energetıkalyq tehnologııalardy damytý, ǵylymı ázirlemelerdi engizý jáne kommertsııalandyrý, otandyq ǵylymı uıymdardyń qyzmeti, sondaı-aq ýran salasynyń óndiristik tizbegi men suranysqa ıe quzyretter máselelerin qarastyrdy.
Konferentsııa barysynda sarapshylar men qatysýshylar arasyndaǵy ashyq dıalogqa erekshe nazar aýdaryldy. «Qazaqstannyń atom salasyn kim qalyptastyrady?» atty pikirtalas barysynda salany odan ári damytýdaǵy kadrlyq jáne ǵylymı qamtamasyz etý máseleleri talqylandy. «Atom salasynyń mamanyna suraq qoı» ashyq mıkrofony aıasynda qatysýshylar sala ókilderi men mamandaryna ózderin qyzyqtyrǵan suraqtardy tikeleı qoıýǵa múmkindik aldy.
Konferentsııa qorytyndysy boıynsha atom ǵylymy men tehnologııalaryn damytýdyń ózekti baǵyttary aıqyndalyp, Qazaqstannyń atom salasynyń kadrlyq jáne ǵylymı-tehnologııalyq áleýetin qalyptastyrýda memlekettik organdar, ǵylymı uıymdar, sala kásiporyndary men jas mamandar arasyndaǵy ózara is-qımyldyń mańyzdylyǵy atap ótildi.
Aıta keteıik, atom energetıkasy álemde jańa múmkindikterge jol ashyp otyr. Qazaqstan bul úderiste qandaı qadamǵa daıyndalýy kerek? 28 qyrkúıek — Atom salasy qyzmetkerleri kúnine oraı Kazinform tilshisi sarapshylardyń pikirin bildi.
