Astanada bokstan jastar men jasóspirimder arasynda Azııa chempıonaty ótedi

ASTANA. KAZINFORM - Astanada bokstan jastar men U-22 jasqa deıingi sportshylar arasynda Azııa chempıonaty ótedi. «Beeline Arena» sport kesheninde ótetin qurlyqtyq doda 25 sáýirde bastalyp, 8 mamyrǵa deıin jalǵasady.

QR Boks federatsııasy málim etkendeı, qurlyqtyq dodaǵa Azııanyń 25 memleketinen 500-den astam boksshy qatyspaq. Eki jas aralyǵynda jigitter jáne qyzdar arasynda ótetin báseke olımpıadalyq júıe boıynsha uıymdastyrylady. 

U-22 (2002-2005 j.t. aralyǵy):

Jigitter: – 46-48 keli, 51 keli, 54 keli, 57 keli, 60 keli. 63,5 keli, 67 keli, 71 keli, 75 keli, 80 keli, 86 keli, 92 keli, +92 keli.

Qyzdar: – 45-48 keli, 50 keli, 52 keli, 54 keli, 57 keli, 60 keli, 63 keli, 66 keli, 70 keli, 75 keli, 81 keli, +81 keli.

Jastar (2006-2007 j.t. aralyǵy):

Erjetkender: – 46-48 keli, 51 keli, 54 keli, 57 keli, 60 keli, 63,5 keli, 67 keli, 71 keli, 75 keli, 80 keli, 86 keli, 92 keli, +92 keli.

Boıjetkender: – 46-48 keli, 50 keli, 52 keli, 54 keli, 57 keli, 60 keli, 63 keli, 66 keli, 70 keli, 75 keli, 81 keli, +81 keli.

Jekpe-jekterdi QAZSPORT telearnasy kórsetedi dep kútilýde. Sondaı-aq Qazaqstan boks federatsııasynyń youtube arnasynda da tikeleı kórsetilim uıymdastyrylady. Al fınaldyq aıqastar 7-8 mamyrǵa josparlanǵan. Kórermen úshin kirý tegin.

Aıta keteıik, Qazaqstan boks federatsııasy buǵan deıin de jasóspirimder men jastar arasynda qurlyqtyq chempıonattardy uıymdastyrǵan. 2007 jyly Almatyda jastar arasyndaǵy Azııa chempıonaty ótken.

2013 jyly Shymkent qalasy jasóspirimder arasyndaǵy qurlyqtyq birinshilikti qabyldady. Al 2016 jyly «Sary qurlyq» chempıonaty Pavlodarda ótti. Sonymen qatar byltyr elordada jasóspirimder jáne jastar arasynda Azııa chempıonaty uıymdastyryldy.

Endi mine, elimiz U-22 Azııa chempıonatyn da qabyldaıdy.