Astanada bokstan jasóspirimder men jastar arasynda Azııa chempıonaty bastaldy

Búgin elordadaǵy Beeline Arena sport kesheninde bokstan jasóspirimder jáne jastar arasynda Azııa chempıonatynyń saltanatty ashylýy rásimi ótti, dep habarlaıdy Kazinform.

Іs-sharaǵa Týrızm jáne sport mınıstri Ermek Marjyqpaev, Azııa boks konfederatsııasynyń (ASBC) bas hatshysy - Alı Salame, IBA prezıdenti - Ýmar Kremlev, Qazaqstan boks federatsııasynyń prezıdenti Keńes Raqyshev qatysyp, quttyqtaý sóz sóıledi.

«Boks eń tanymal sport túri bolǵandyqtan adamdardyń júreginde erekshe oryn alady jáne mıllıondaǵan kórermenderdiń nazaryn aýdarady. Qazaqstandyq boks mektebi álemdik sport arenasynda qurmetti orynǵa ıe jáne kóshbasshylardyń biri sanalady. Mysaly, Táýelsizdik jyldarynda otandyq boksshylar olımpıadanyń 7 altyn, 7 kúmis jáne 10 qola medalin jeńip aldy», - dedi týrızm jáne sport mınıstri Ermek Marjyqpaev.

Aıta keteıik, 23 qazan - 3 qarasha aralyǵynda sary qurlyqtyń 23 elinen kelgen 500-ge jýyq jas sportshy Azııa chempıony ataǵyna talasady. Jekpe-jek olımpıadalyq júıe boıynsha ótedi.

Fınaldyq jekpe-jekterdiń jeńimpazdary 2-3 qarashada anyqtalady.