Astanada bokstan ótip jatqan olımpıadalyq irikteý synynyń fınalyna ekinshi boksshymyz shyqty
ASTANA. 11 sáýir. QazAqparat - «Alaman» portalynyń málimetinshe, 64 kelide Danııar Eleýsinov ózbek Ýktamjon Rahmonovty utty -16:7.
Birinshi raýnd - 5:2. Ekinshi raýnd - 5:2. Úshinshi raýnd - 6:3. «Aqyryn júrip, anyq basqan» Eleýsinov Astana dodasynyń altynyn endi túrkmen Serdar Hýdaıberdıevpen sarapqa salady.
Danııar buǵan deıin olımpıada joldamasyn alyp qoıǵan-dy.
Osy tusta aıta keteıik, 56 keli salmaqta olımpıada joldamasyna úndistandyq Tapa Chıva men sırııalyq Vessam Salamana ıelendi. Al bul salmaqtaǵy taǵy bir joldamany japon Satoshı Shımısý men ıraktyq Ammar Hassan sarapqa salady.
