Astanada bokstan ótetin II halyqaralyq týrnırge álemniń 14 elinen 94 bylǵary qolǵap sheberi keledi
ASTANA. 12 qyrkúıek. QazAqparat /Jasulan Amanbaıuly/ - Elordada 13-17 qyrkúıek aralyǵynda bokstan áıelder arasynda ótetin II halyqaralyq týrnırge álemniń 14 elinen 94 bylǵary qolǵap sheberi qatysady.
Álem chempıony (Brazılııa), Eýropa chempıony jáne Álem chempıonatynyń fınalısi (Reseı), Azııa birinshiliginiń jeńimpazdary syndy boksshylardan quralǵan qatysýshylar quramy týrnır deńgeıiniń qanshalyqty joǵary ekendigin baıqatady.
Uıymdastyrýshylardyń aıtýynsha, 13-15 qyrkúıek aralyǵynda aldyn ala kezdesýler ótedi. Al 16 qyrkúıekte jartylaı fınaldyq jekpe-jekter, 17 qyrkúıekte aqtyq syn kezdesýleri bolady.
Qazaqstan bul týrnırde áıelder ulttyq quramasynyń eki quramyn da usynyp otyr. Bul kúnderi sharshy alańǵa el namysyn qorǵaýǵa - Nazym Qyzaıbaı (48 kg), Dına Elýbaeva (48 kg), Alına Turlybaeva (48 kg), Nazym Tóleýova (51 kg), Rano Parhatova (51 kg), Jaına Shekerbekova (51 kg), Alııa Jarkenova (51 kg), Gúljan Ákimova (54 kg), Dına Jolaman (51 kg), Nurııa Ǵarıfýlına (57 kg), Oksana Koroleva (57 kg), Sánııa Sultanqyzy (57 kg), Álııa Ábdiraımova (60 kg), Gúljaına Úbbinııazova (60 kg), Zýra Qusaınova (60 kg), Saıda Hasenova (60 kg), Móldir Bazarbaeva (75 kg), Darıǵa Shakımova (75 kg), Marına Volnova (75 kg), ıÝldýz Mamatqulova (75 kg), Lıazzat Kúngenbaeva (+81 kg) shyǵady.
Seısenbi kúni Astanadaǵy «Dáýlet» sport kesheninde 14.30-da týrnırdiń ashylýyna arnalǵan baspasóz máslıhaty, al 15.00 saǵatta ashylý saltanaty bolady.
