Astanada Bokstan Qazaqstan chempıonaty jańa erejeler boıynsha - bas shleminsiz jáne úsh tóreshimen ótedi
ASTANA. 22 qarasha. QazAqparat - Búgin Astanada áýesqoılar arasyndaǵy bokstan Qazaqstan chempıonaty bastaldy. Ulttyq birinshiliktiń ashylý saltanaty «Dáýlet» tennıs ortalyǵynda ótti.
Chempıonat tuńǵysh ret halyqaralyq boks assotsıatsııasynyń (AІVA) erejeleri boıynsha ótkeli otyr. Onda sportshylar qorǵanysh shlemsiz bokstasady jáne olardy úsh tóreshi baqylaıtyn bolady. Bul ózgerister kórermender jekpe-jekterden kóbirek áser alý úshin jasalyp otyr dep atap ótti uıymdastyrýshylar.
Chempıonatqa Qazaqstannyń barlyq óńirlerinen 180-nen astam boksshy qatysady.
Dúbirli doda Astanada 22-29 qarasha aralyǵynda ótedi. Kirý tegin.
