Astanada bokstan áıelder arasyndaǵy álem chempıonaty ótedi

ASTANA. QazAqparat – Halyqaralyq boks qaýymdastyǵynyń (IBA) dırektorlar keńesi Tashkentte (Ózbekstan) ótken resmı jıynda bokstan áıelder arasyndaǵy 2024 jylǵy álem chempıonaty Astanada ótetinin jarııalady, dep habarlaıdy QazAqparat Halyqaralyq olımpıada komıtetine silteme jasap.

«Qazaqstan syndy qýatty boks kúshi IBA-nyń iri týrnırleriniń birin óz jerinde ótkizetinine qýanyshtymyn. Jarys 2016 jyly Astanada ótken bolatyn, endi kúsheıip qaıta oralmaq. Sebebi biz júlde qoryn eki esege arttyrdyq. Birinshi oryn ıelengen boksshylar 200 000 myń AQSh dollaryn alatyn bolsa, jarystyń jalpy júlde qory – 4,8 mıllıon AQSh dollary. Bul somanyń ishine qurama jattyqtyrýshylaryna tıesili 10% da kiredi. Men keremet chempıonatty taǵatsyzdana kútemin jáne kelesi jyly barlyq boksshylardy Astanada qarsy alýǵa qýanyshtymyn», - dedi IBA prezıdenti Ýmar Kremlev.