Astanada Bógenbaı batyr dańǵyly tamyzdyń sońyna deıin jabylady
ASTANA. KAZINFORM — Astanada Bógenbaı batyr dańǵylynyń Sh. Ýálıhanov kóshesinen Saryarqa dańǵylyna deıingi ýchaskesinde ortasha jol jóndeý jumysy júrgiziledi, dep habarlaıdy elorda ákimdiginiń resmı saıty.
Osyǵan baılanysty, 11-31 tamyz aralyǵynda kórsetilgen ýchaskede kólik qozǵalysy ishinara jabylatyn bolady. Qozǵalys joldyń bir jaǵymen eki baǵytta uıymdastyrylady.
— Júrgizýshiler men jaıaý júrginshiler júrý baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady, — dep eskertti ákimdikten.
Buǵan deıin Arqar kópiri 17 tamyzǵa deıin ishinara jabylatyny habarlandy.
