Astanada bochchadan respýblıkalyq ashyq týrnır bastaldy
ASTANA. KAZINFORM – Astanada bochchadan Qazaqstandaǵy tuńǵysh bapker ári nasıhattaýshy Sultanbek Orynbasarovty eske alýǵa arnalaǵan respýblıkalyq týrnır bastaldy.
QR Sport komıteti málim etkendeı, tirek qımyly zaqymdanǵan jastar men eresekter arasynda jyl saıyn dástúrli túrde uıymdastyrylatyn jarys bıyl naýryzdyń 4-i men 6-sy aralyǵynda «Aspan» sport kesheninde ótpek.
Sharanyń ashylý saltanatynda Qazaqstan Respýblıkasynyń Týrızm jáne sport mınıstrligi Sport jáne dene shynyqtyrý isteri komıtetiniń tóraǵasy Erbol Myrzabosynov sportshylarǵa alǵy tilegin jetkizdi.
«Bochcha álemde qarqyndy damyp kele jatqan sport túri. 1984 jyly Paralımpıada oıyndarynyń qataryna enip, qazirgi ýaqytta bizdiń de sportshylarymyz asa qyzyǵýshylyqpen aınalysýda. Búgingi bastaý alyp otyrǵan jarys dańqty bapker Sultanbek Orynbasarovty eske alý maqsatynda uıymdastyrylýda. Osy jarysty uıymdastyryp otyrǵan Qazaqstan Bochcha federatsııasyna aılǵysymdy jetkizip, barlyq qatysýshylarǵa sáttilik tileımin, » — dedi komıtet tóraǵasy E.Myrzabosynov.
Ataýly jarysqa Qazaqstannyń 8 óńirinen 40 jýyq sportshy qatysyp, baq synaýda. Týrnırdiń basty maqsaty — elimizdiń úzdik bochcha oıynshylaryn anyqtaý, múgedektigi bar adamdardyń teń quqyqtary men múmkindikterin nasıhattaı otyryp, ınklıýzıvti qoǵam qurý sharalaryna jurtshylyqtyń nazaryn aýdarý.
